“Найзын яриа” баруун аймгийн хүүхдүүдэд хүргэгдлээ


2019-11-12 11:57:07

Авлигатай тэмцэх газраас томилогдсон ажлын хэсэг баруун бүсэд ажиллах үеэрээ Увс, Баян-Өлгий, Ховд, Завхан аймгийн нийтийн номын санд ном, гарын авлага хандивлалаа.

АТГ-ын албаны дарга, ахлах комиссар Т.Энхболд болон бусад ажилтнууд авлигатай тэмцэх чиглэлээр бэлтгэн гаргасан “Ашиг сонирхлын зөрчил”, “Төрийн албан хаагчийн ёс зүй” гарын авлага 2 цуврал, хүүхдүүдэд зориулсан “Найзын яриа” зурагт ном, DVD зэргийг аймгуудын номын сангийн эрхлэгч нарт хүлээлгэн өгч, авлигатай тэмцэх бодлого, үйл ажиллагааг орон нутагт дэмжин ажиллахыг тэднээс хүсэв.

Авлигын эсрэг олон улсын өдрийг угтан АТГ-аас Үндэсний номын сан, Улаанбаатар хотын номын сан, МУИС-ийн номын сангуудад иргэдэд зориулан тусгай тасаг, булан нээж байгаатай холбогдуулан Ажлын хэсгээс ийнхүү орон нутгийн номын санд авлигын эсрэг утга агуулга бүхий номын фонд бүрдүүлэх эхлэлийг тавилаа.

 

 

 

 

 

 
АНХААРУУЛГА: Уншигчдын бичсэн сэтгэгдэлд Buzznews.mn хариуцлага хүлээхгүй болно. Buzznews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл бичих:




Дээрхи үсгүүдийг бичнэ үү