Сайжруулсан түлшийг шуудайгаар нь 1875 төгрөгөөр худалдаж байна


2020-12-03 17:20:00

Ойрын өдрүүдэд уулархаг нутгаар ялимгүй цастай, ихэнх нутгаар салхи, шуурга багатай, хүйтэн байхыг Цаг уур, орчны шинжилгээний газраас анхааруулж байна. Хүйтний эр чангарахын хэрээр түлшний хэрэглээ нэмэгддэг.

Иймээс бүх нийтийн бэлэн байдлын зэрэгт шилжсэн энэ үед Засгийн газар сайжруулсан шахмал түлшний үнийг ирэх оны 4 дүгээр сарын 1-ний өдөр хүртэл 50 хувиар хөнгөлөх тогтоол гаргасан. Тогтоол өнөөдрөөс хэрэгжиж эхэлсэн. Өөрөөр хэлбэл, нэг тонн нүүрс 150.000 төгрөг байсан бол 75.000 болж, нэг шуудай түлш 3750 төгрөгөөр худалдаалдаг байсан бол 1875 болж хямдарсан юм.

Нийслэлчүүд өвлийн улиралд өдөрт 4,000 тн, сард 120 мянга орчим тн сайжруулсан түлш хэрэглэдэг.

Түүнчлэн Байгаль орчин, аялал жуулчлалын сайдын багцаас амьдралын бололцоо тааруу 10 мянган өрхөд тус бүр 37 шуудай сайжруулсан түлш үнэ төлбөргүй олгох санхүүжилтийг шийдвэрлэсэн. Одоогийн байдлаар 7500 айл, өрх түлшээ хүлээн аваад байна.

АНХААРУУЛГА: Уншигчдын бичсэн сэтгэгдэлд Buzznews.mn хариуцлага хүлээхгүй болно. Buzznews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл бичих:




Дээрхи үсгүүдийг бичнэ үү