"ДЦС-III" ТӨХК нь Туул голын далан давуулан үнс зайлуулсан усаа хаяж байжээ


2021-02-17 14:10:49

Туул голруу бохир ус цутгаж байна гэх мэдээллийн дагуу Туул голын сав газрын захиргаа, Нийслэлийн Байгаль орчны газар, Нийслэлийн мэргэжлийн хяналтын газрын албан хаагчид  2021 оны 02 дугаар сарын 16-ны шөнө болон 17-ны өдрүүдэд газар дээр нь ажиллаж, хяналт шалгалт хийлээ.

“Дулааны гуравдугаар цахилгаан станц” ТӨХК нь цахилгаан, дулаан үйлдвэрлэх үйл ажиллагаанаас гарсан үнсийг усаар зайлуулж, 2 шатны тунгаагуураар дамжуулан гарсан хаягдал усыг үнс зайлуулах технолигид эргүүлэн ашигладаг. Станцын ачааллаас үүдэн хаягдал ус тунгаах санд аваарын нөхцөл байдал үүсч, далан сэтрэх эрсдэл үүсний улмаас тунгаах санд хуримтлагдсан хаягдал усыг аваарын шугамаар Туул голд нийлүүлж байсныг тогтоож, зогсоох арга хэмжээг аваад байна.

Туул голд нийлүүлсэн хаягдал ус, хөрснөөс дээж авч Байгаль орчин, хэмжил зүйн төв лаборатори, Хан Лаб ХХК-ийн лабораториудад тус тус шинжилгээ өгсөн бөгөөд шинжилгээний дүн гарсны дараа Усны тухай хууль, Усбохирдуулсны төлбөрийн тухай хуулийн дагуу арга хэмжээг авч ажиллана.


 

АНХААРУУЛГА: Уншигчдын бичсэн сэтгэгдэлд Buzznews.mn хариуцлага хүлээхгүй болно. Buzznews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл бичих:




Дээрхи үсгүүдийг бичнэ үү

санал 2021-02-17 14:37:29-д бичсэн холбогдсон IP хаяг: 122.201.21.245
одоо л мэдэж байгаа юм байх даа.эртний юмаа.