Б.Бат-Эрдэнэ: Жэжүд очсон 23 иргэнийг долдугаар сарын 21-н хүртэл ямар нэгэн хайх үйл ажиллагаа явагдахгүй


2022-06-29 13:52:50

Жэжүд аялахаар очсон монгол иргэдийн асуудлаар Байгаль орчин, аялал жуулчлалын сайд Б.Бат-Эрдэнэ мэдээлэл хийлээ.

Тэрбээр "Монгол хүн монгол хүндээ хайртай баймаар байна. Манай иргэд 30 хоногийн хугацаанд БНСУ-ын Жэжүд визгүй зорчих эрхтэй. Энэ хүмүүс 6 сарын 22-нд очсон 7 сарын 21-нд визгүй зорчих хугацаа нь дуусна. Одоогоор хууль зөрчсөн, хууль бусаар оршин суухаар зугтаасан гэх ямар ч боломжгүй юм. Тиймээс Монгол хүн л бол муу гэх хандлагаа бид өөрсдөө болих хэрэгтэй.

Дашрамд өгүүлэхэд Жэжү арал бол эх газар биш арал. Эх газарруу хууль бусаар явах бараг боломжгүй зүйл. БНСУ-ын Цагаачлалын алба ч маш сайн хатуу, хяналттай ажилладаг байгууллага.

Аялал жуулчлалын маршрутаар зургаадугаар сарын 22-ны өдөр Жэжү хотод очсон 23 иргэнтэй холбоотой асуудал. Хууль ёсны хугацаа нь 30 хоног тул долдугаар сарын 21-ний өдөр хүртэл ямар нэгэн хайх үйл ажиллагаа явагдахгүй, аливаа гэмт хэрэгт холбогдоогүй эсвэл тодорхой завиар аялж явж байгаад осолд өртөөгүй бол шүү дээ. БНСУ ялгаа байхгүй шар мэдээллийн сайтуудтай. Тэр шар сайтуудад гарсан мэдээллийг Монгол Улсад их хэмжээгээр явуулж байгаа нь харамсалтай.

Өнөөдөр 30 хоногийн визтэй орж ирсэн БНСУ-ын иргэн Монгол Улсад ирээд аяллын тав хоногтоо маршрутаараа яваад хүсвэл үлдсэн 25 хоногтоо тодорхой хэмжээний аяллыг өөрөө хийх боломжтой.

Мөн долдугаар сарын 9, 14-ний өдөр дараагийн онгоцнууд ирэх хуваарь бий. Аливаа гэмт хэрэгт холбогдоогүй, эрэн сурвалжлах нөхцөл байдал үүсээгүй гэдгийг албан ёсоор хэлж байна. Тиймээс долоодугаар сарын 21-ний өдрийг хүртэл тухайн хүмүүсийг хууль бусаар оршин суухаар оргон зайлсан гэх мэдэгдэл хийх нь хариуцлагагүй үйлдэл.

Жэжү арал нь эх газраас тусгаарлагдсан. Эх газар руу визтэй иргэд нэвтрэх боломжтой. БНСУ-ын шалган нэвтрүүлэх буюу цагаачлалын алба маш хатуу үйл ажиллагаатай, хариуцлагатай ажилладаг байгууллага юм. Иймд тухайн 23 иргэнийг харласан мэтээр худал мэдээлэл түгээхгүй байхыг хүсье" гэлээ.

АНХААРУУЛГА: Уншигчдын бичсэн сэтгэгдэлд Buzznews.mn хариуцлага хүлээхгүй болно. Buzznews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл бичих:




Дээрхи үсгүүдийг бичнэ үү