Л.Ганбат: ЭЕШ-ын нэмэлт бүртгэл хийхгүй, хугацааг сунгахгүй


2021-02-25 15:38:23

ЭЕШ-ын бүртгэл орон даяар өнөөдөр эхэлж байгаатай холбоотойгоор Боловсролын үнэлгээний төвөөс мэдээлэл хийлээ. 

Боловсролын үнэлгээний төвийн хэлтсийн дарга Л.Ганбат “www.help.eec.mn  сайтаас ЭЕШ-тай холбоотой дэлгэрэнгүй мэдээлэл авч болно. Монгол, Англи, Орос хэлний шалгалтын хувьд сонсоод ойлгох чадварын даалгаварыг энэ жил оруулахгүй. Тест, нөхөх юм уу өөр хэлбэрээр зохион байгуулна. Боловсролын үнэлгээний төвөөс чат бот ашиглалтад оруулж байгаа. ЭЕШ-д оролцогчид өөрийн гэсэн и-мэйл хаягтай байх нь чухал.

Сүүлийн 2 жилээ эхлээд ЭЕШ-д шууд засалтыг нэвтрүүлсэн. Шалгалт дууссаны дараа засалтыг шууд хийгээд лайваар үзүүлэх ажиллагааг зохион байгуулна. 100 орчим шалгалтын байрыг бэлдэж байна. Бүртгэлийн алхмууд дээр гол анхаарах зүйлийн талаар гэвэл ЭЕШ-ын бүртгэл өнөөдөр өглөө эхэлсэн. Шалгуулагч иргэний үнэмлэх, арын фон нь цайвар цулгуй өнгөтэй цээж зураг шаардлагатай. Мөн шалгуулагч өөрийн и-мэйл хаягтай байх хэрэгтэй.

Нэг шалгалт 5,800, батламж 700 төгрөгийн үнэтэй. Төлбөр төлөх карт нь заавал тухайн шалгуулагчийн нэр дээр байх шаардлагагүй.

Овог, нэр, регистрийн мэдээлэл зөрсөн тохиолдолд сургуулийн сургалтын албанд хандсанаар манай үнэлгээний төвд мэдээлэл засагдана. Өмнөх жилийн төгсөгчид хувийн мэдээлэл зөрсөн бол заавал улсын бүртгэлийн ерөнхий газарт хандаж байж дараа нь үнэлгээний төв дээр засагдах боломжтой” гэлээ.

Мөн тэрбээр бүртгэл ирэх дөрөвдүгээр сарын 20-ны 18.00 цагт дуусна. Бүртгэлийн хугацаа, цагийг сунгахгүй, нэмэлт бүртгэл хийхгүй гэдгийг тодотгосон юм.

Энэ жил 12 дугаар анги төгсч буй 35700 суралцагч бий. Дээр нь өмнөх оны 3500 орчим төгсөгч нийтдээ 39 мянган шалгуулагч ЭЕШ өгөх урьдчилсан тооцоолол бий аж.

АНХААРУУЛГА: Уншигчдын бичсэн сэтгэгдэлд Buzznews.mn хариуцлага хүлээхгүй болно. Buzznews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл бичих:




Дээрхи үсгүүдийг бичнэ үү