Хөл хорионы дэглэм зөрчсөн аж ахуйн нэгжийн үйл ажиллагааг зогсоолоо


2021-04-27 11:18:46

Мэргэжлийн хяналтын ерөнхий газраас хөл хорионы дэглэм зөрчсөн аж ахуй нэгжүүдийн үйл ажиллагааг зогсоожээ. Тус газрын хяналт шалгалтаар, гар утас, цахилгаан бараа худалдаа, алт мөнгөний дархан лангуу, дугуй засвар, авто засвар, барилгын материалын дэлгүүр, тавилгын үйлдвэр, хоолны газар, сувиллын газар зэрэг 34 иргэн үйл ажиллагаа явуулж байсан нь тогтоогджээ.

Мөн худалдаа үйлчилгээний байгууллагууд халдвар хамгааллын дэглэм мөрдөөгүй  1486 зөрчил илрүүлсэн байна. Тухайлбал, үйлчлүүлэгчдийн халууныг тогтмол хэмждэггүй, QR код бүртгэл хангалтгүй, хүн хоорондын зай барьдаггүй зэрэг зөрчлийг газар дээр нь арилгуулсан байна. Энэ үеэр  26 аж ахуйн нэгж, таван  иргэний хадгалах хугацаа дууссан 69 нэр төрлийн 455 ширхэг 814397 мянган төгрөгийн хүнсний түүхий эд, бүтээгдэхүүнийг хураан авч устгалд оруулжээ.

Улсын байцаагчид хяналт шалгалтаар илэрсэн зөрчилд 14 хуулийн этгээд, зургаан  хувь хүнд торгуулийн арга хэмжээ авсан байна.

 

АНХААРУУЛГА: Уншигчдын бичсэн сэтгэгдэлд Buzznews.mn хариуцлага хүлээхгүй болно. Buzznews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл бичих:




Дээрхи үсгүүдийг бичнэ үү