“UB FOOD FESTIVAL” Сүхбаатарын талбайд болно


2022-08-19 10:36:31

Нийслэлийн Аялал жуулчлалын газраас “UB Food festival” арга хэмжээг 2022 оны 08 дугаар сарын 20-ны өдөр Д.Сүхбаатарын талбайд зохион байгуулах гэж байна.

 “UB Food festival” арга хэмжээ нь Монгол үндэсний хоолны соёлыг гадаад, дотоодын иргэдэд таниулах, иргэдийн эрүүл зөв хооллолтын талаарх ойлголтыг дээшлүүлэх, гудамжны хоолны соёлыг түгээн дэлгэрүүлэх, тусгай сонирхлын аялал жуулчлалыг хөгжүүлэх зорилготой.

Тус арга хэмжээнд 20 ресторан, зоогийн газар, 8 явуулын хоолны газар оролцохоор бүртгүүлсэн байна. Тухайлбал, “Намастэ” энэтхэг хоолны ресторан, “Mongolian lamb” ресторан, “Khulan” ресторан, “Black burger” түргэн хоолны ресторан, зоогийн газар оролцох бол гудамжны хоол үйлчилгээг төлөөлж Ub street food болон Food truck зэрэг газрууд оролцох юм.

Өдөрлөгийн үеэр Артгэрын залуус болон мастер тогооч нар Монгол үндэсний хоолны үзүүлбэр үзүүлэх ба олон нийтэд хийж урласан хоолны цэсээ танилцуулна. Аж ахуйн нэгжүүд үндэсний үйлдвэрлэлийн нэрийн бүтээгдэхүүн, үндэсний төрөл бүрийн хоол, зууш амттаны үнэгүй амталгаа бэлтгэж, хямд үнээр иргэдэд үйлчилнэ. Арга хэмжээний үеэр хүрэлцэн ирсэн зочид, үзэгчид дунд төрөл бүрийн хоолны тэмцээн, хөгжөөнт тоглоом, урлаг соёл, хоол урлалын сонирхолтой үзүүлбэрүүд зохион байгуулагдах юм.

 

АНХААРУУЛГА: Уншигчдын бичсэн сэтгэгдэлд Buzznews.mn хариуцлага хүлээхгүй болно. Buzznews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл бичих:




Дээрхи үсгүүдийг бичнэ үү