С.Эрдэнэ дахиад л хэрүүл тарив уу


2021-05-06 10:21:12

Дээд шүүх 2021 оны дөрөвдүгээр сарын 27-нд хоёр АН-аас очсон дүрмийн өөрчлөлт, дарга нарыг бүртгэх хүсэлтийг хэлэлцсэн. Алийг нь ч хангахаас татгалзаж шийдвэрлэсэн.

Энэ шүүх хурлын тогтоол өчигдөр бичгээр нийтэд ил гарчээ. Үндсэн дүрмийн хороо, Дотоод сонгуулийн хорооны бүрэлдэхүүн, Үндсэн дүрмийн нэмэлт өөрчлөлтүүд, М.Тулгат, О.Цогтгэрэл нарыг АН-ын даргаар бүртгүүлэх зэрэг хүсэлтүүд бүгд унасан. Тэр нь ч тогтоолд бичээстэй байна.

Харин тогтоолд Дээд шүүхийн цахим сан дахь С.Эрдэнийн бүртгэлийг сэргээх тухай дахин гаргасан хүсэлтийг тэр өдөр мөн хэлэлцжээ. Тэр хүсэлтийг ч бас хангахаас татгалзсан байна.

Тэгвэл С.Эрдэнийн энэ хүсэлт намд нь дахин хэрүүл тарилаа. АН-ынхан “...М.Тулгатыг АН-ын даргаар сонгочихоод байтал араар нь өөрийгөө бүртгүүлэх хүсэлтийг Дээд шүүхэд гаргалаа” гээд бухимдацгааж байна.

АН-ынхан “Эрдэнэчүүд”,  “Туваанчууд”, эсвэл Ц.Элбэгдоржийн АН, Х.Баттулгын АН гэж хуваагдаад байсан. Харин энэ асуудал “Эрдэнэчүүд” буюу Ц.Элбэгдоржийн АН-ынхны дунд хэрүүл тарьж буй бололтой. Өчигдөр лав дотроо ширүүхэн үзэцгээж байв.

Б.ОЧИР

Эх сурвалж: “Зууны мэдээ” сонин

2021.5.4 МЯГМАР № 89 (6566)

АНХААРУУЛГА: Уншигчдын бичсэн сэтгэгдэлд Buzznews.mn хариуцлага хүлээхгүй болно. Buzznews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл бичих:




Дээрхи үсгүүдийг бичнэ үү